Хятад улсад ХДХВ болон шар өвчний халдвар авсан өвчтнүүдэд нөхөн төлбөр олгохыг шаардсан жагсаал болж байна. Бээжин хотноо тус улсын өнцөг булан бүрээс цугласан хүмүүс эсэргүүцлийн жагсаалд нэгдэж, өөрсдийн эрх ашиг, нийгмийн халамжийн авах ёстой төлбөрөө нэхэмжилж байгаа нь энэ юм. Тэд өөрсдийн буруугаас бус бохир зүү  тариураар, цус сэлбэлтээс болж өвчний халдвар авсан аж. 1990-ээд оны сүүлээр тус улсад бохир зүү тариураас халдвар авах нь эрс нэмэгджээ. Жагсаал эрүүл мэндийн яамны гадаа болсон бөгөөд жагсаалд оролцож байгаа хүмүүсийн ихэнх нь Хень-Ань мужаас ирцгээжээ. Тус мужийн зарим тосгонд өрхийн гишүүн бүр ДОХ-ын халдвар авсан байгаа гэсэн судалгаа гарчээ. Өвчтнүүд төрийн эрх баригчдаас нөхөн төлбөр шаардаж жил бүр ийм жагсаал хийдэг ч үр дүнд хүрэлгүй өнөөг хүрсэн байна. Тэд засгийн газраас нөхөн төлбөрт халдвар авсан хүн бүрт 100 мянган юань, сар бүрд амжиргааны зардалд мянган юань өгч байхыг шаардаж байгаа аж. Э.Мөнхнасан