Өнгөрсөн сард чуулганаа хуралдуулж шинэ бүтэц зохион байгуулалтаар ажиллаж эхэлсэн МСБХ-ны урилгаар АНУ-ын “Глобал Спортс Партнерс” байгууллагын мэргэжилтэн, дасгалжуулагч Люк Симонс манай эх оронд ирээд байна. Тэрээр өсвөрийн тамирчдад системтэй сургалт өгөх, шигшээ багтай хамтрах гэсэн үндсэн 2 чиглэлд ажиллахаар болж өчигдөр спортын мастер Д.Маргад-Эрдэнэ дасгалжуулагчтай “Сити” клубээр зочилжээ. АНУ-даа нэр хүнд бүхий “Глобал Спортс Партнерс” байгууллагын тухайд дэлхийн өнцөг булан бүрт үйл ажиллагаагаа явуулдаг. Салбар олон нэгжтэй. Монголд уригдсан Люк Симонсын хувьд сүүлийн 3 жил Хятадад томилогдон ажилласан. Дасгалжуулалтын арга зүй тал дээрээ өндөр туршлагатай нэгэн гэнэ. Тэрээр Монголд байх  хугацаандаа МСБХ-той хамтран олон ажил хийхээр төлөвлөсөн байна.  Тодруулбал сагсан бөмбөгийн эх орон АНУ-ын сургалтын системийг монголд нэвтрүүлэх, өсвөрийн тамирчидтай ажиллах, Америк Монгол 2 орны баг тамирчдыг хамтарсан бэлтгэлд гаргах, багш дасгалжуулагч, тоглогч солилцож туршлага, ур чадвар хуваалцах, мэргэжлийн түвшний сагсан бөмбөгийн бэлтгэлийн  бааз байгуулах  зэрэг ажил төлөвлөжээ. МСБХ