Америкийн адал явдалт спортоор хичээллэгч Эрик Ронер гэдэг залуу шүхэрний оронд том хэмжээний борооны шүхэр ашигласан байна. Тэрбээр агаарын бөмбөлгөөс үсэрч буулт хийсэн бичлэгээ YouTube дээр тавьжээ. Ронер гартаа том хэмжээний борооны шүхэртэй үсэрч байгаа нь харагдана. Ийнхүү тэрбээр агаарт 20 орчим секунд тогтож байтал борооны шүхэр задран унадаг аж. Тиймд Ронер нөөц шүхрээ дэлгэн амжилттай газарддаг байна. Буултын үеэр мань залуу ямар нэг бэртэл авсангүй. Эрик Ронер бол Америкийн нэртэй экстремал залуу юм. Тэрбээр бэйс-жампинг буюу өндөр барилгуудаас шүхрээр буулт хийх төрлөөр хичээллэдэг аж. Мөн тэрбээр өндөр уулнаас уулын цанаар хурдтай буух төрлөөр сонирхон хичээллэдэг байна.   http://youtu.be/SrGB4aKgNzc