Автобусны дайтай  2013 ЕА гэдэг бас нэг бага гараг өчигдөр дэлхийгээс ердөө 362 мянган  километрийн зайд өнгөрчээ. Энэ нь дэлхий, сар хоёрын хорондох зайнаас арай бага юм. Энэ биетийг гуравдугаар сарын 1-нд Гавайин арлын одон орныг судлах Pan-STARRS оргилынхон анх удаа илрүүлсэн байна.  Смитсоны одон орны физикийн оргилын бага гарагуудын төв энэ гарагт 2013 ЕА  гэсэн нэр өгсөн бөгөөд тус төв нь Нарны аймгийн бага биетүүдийг ажигласан мэдээ сэлтийг цуглуулж, ангилдаг юм. Энэ биет нь  дэлхийн агаар мандалд орж ирэхдээ хоёрдугаар сарын 15-нд Уралын нурууны өмнөд хэсгийн дээр задарсан Челябинскийн сүүлт одтой төстэй ажээ.  Эрдэмтдийн тооцоолсноор, челябинскийн сүүлт одны диаметр нь бас 17 метр байжээ.  Агаар мандлын нягт  давхаргад түүнийг бутрах үед цохилтын долгион үүсч,  улмаар 3 мянга гаруй байшин барилгын цонх хагарч, хагархай шил болон цонхны хүрээнд 1500 хүн бэртэж гэмтсэн юм. Өнөөдрийн байдлаар эрдэмтэд  Нарны аймгаас олон зуун мянган бага гараг илрүүлж байна. Ийм гараг дэлхийтэй мөргөлдвөл гал түймэр гарч, газар хөдлөлт юмуу цунами болох аюултай юм. НАСА-гийн дүгнэлтээр, дэлхийтэй мөргөлдөж болох аюултай биетүүдийн ердөө 10%-ийг  илрүүлээд  байгаа ажээ. С.Золбоо