Манай гаригийн анхны сансрын нисэгч Юрий Алексеевич Гагарин (1934-1968) 78 жилийн өмнө мэндэлжээ. 1961 оны дөрөвдүгээр сарын 12-нд  Москвагийн цагаар өглөөний 9 цаг 7 минутад  сансрын гурван тоннын жинтэй “Восток” хөлөг Байконурын сансрын хөлгийн буудлаас хөөрч, Юрий Гагариныг 327 км-ын өндөрт гаргажээ. Дэлхийг тойрон ниссэн анхны нислэг ердөө 108 минут үргэлжилсэн юм. Дөрөвдүгээр сарын 14-нд  манай гарагийн анхны сансрын нисэгчийг Москвад баяр ёслолын байдалтай угтан авсан байна. Тус орны хотуудад баярлан хөөрөлдөж, тэр үйл явдлыг нүдээр үзсэн хүмүүсийн хэлж байснаар, үүнийг 1945 оны тавдугаар сарын 9-ний өдөртэй л зүйрлүүлж болохоор байжээ. Түүхт нислэгийнхээ дараа Гагарин эх орныхоо бараг бүх нутагт очиж, 30 оронд зочилсон байна.  Энэ “Энх тайвны аялал” хоёр жил үргэлжилжээ. С.Золбоо