Удтал хүндээр өвчилж байгаад 59 настайдаа таалал төгссөн ерөнхийлөгч Уго Чавестай салах ёс  гүйцэтгэх төрийн ёслол баасан гаригт Венесуэлийн цэргийн академийн байранд болов.  Энэ ёслолд оролцуулахаар 55 орон дээд зиндааны төлөөлөгчдөө Венесуэлд ирүүлснээс нь 32 нь төрийн тэргүүн нар байв. Боливарын Бүгд Найрамдах Венесуэл Улсын төрийн дуулал эгшиглүүлснээр салах ёслол эхэлсэн байна. Дараа нь тус улсын  дэд ерөнхийлөгч үндэсний эрх чөлөөний тэмцлийн баатар Симон Боливарын алтан сэлмийн  хуулбарыг Уго Чавесын  шарил дээр тавьж, ёслолын дараа ерөнхийлөгчийн  гэр бүлийнхэнд гардуулжээ. Ёслолын төгсгөлд Венесуэлийн дэд ерөнхийлөгч Николас Мадуро үг хэлж, Боливарын хувьсгалын удирдагчийн  гэрээслэлийг биелүүлэхээр тангарагласан байна. Төрийн ёслолын дараа Уго Чавестай венесуэлчүүдийн салах ёслол гүйцэтгэх арга хэмжээ дахин  эхэлж, энэ ажил наанадаж  долоо хоног үргэлжлэх ажээ.  Сая сая хүн хувьсгалын удирдагчтай салах ёс гүйцэтгэхийг хүсч байгааг дэд ерөнхийлөгч дурдсан байна. Үүний дараа ерөнхийлөгчийн шарилыг Уулын хуаранд хүргэх ажээ. Боливарын хувьсгалын эхлэл болсон төрийн эхлэлт хийх гэсэн оролдлогыг Уго Чавес  1992 оны хоёрдугаар сарын 4-нд эндээс удирдаж байжээ. Уго Чавесын цогцосыг чандарлана гэж түрүүнд нь дэд ерөнхийлөгч Николас Мадуро мэдэгдсэн юм. С.Золбоо