АНУ  БНАСАУ-ын пуужингийн аюулыг  эсэргүүцэж чадна. Тус улс элдэв өдөөн хатгалгаараа юунд ч хүрэхгүй. “БНАСАУ-д халдвал түрэмгийлэгчдэд цөмийн сэрэмжлүүлэх цохилт өгөхөөр” Умард Солонгосын тал сүрдүүлснийг Цагаан ордны хэвлэлийн нарийн бичгийн дарга Жей Карни пүрэв гарагт ингэж тайлбарлав. “АНУ өөрийгөө Умард Солонгосын баллистик пуужингийн довтолгооноос хамгаалж чадна. БНАСАУ элдэв сүрдүүлэг, өдөөн хатгалгаараа юунд ч хүрч чадахгүй” гэж тэр хэлсэн байна. “АНУ цөмийн дайн дэгдээхэд ойрхон байгаа учир, бид улс орныхоо эрх ашгийг хамгаалан, түрэмгийлэгчдэд цөмийн цохилт өгөх эрхээ хэрэгжүүлнэ” гэж БНАСАУ-ын ГХЯ мэдэгдсэн юм. Хоёрдугаар сарын 12-нд БНАСАУ цөмийн туршилт хийснийг буруушаасан тогтоолыг НҮБ-ын Аюулгүйн Зөвлөл баталсныг Карни үүнтэй холбогдуулан дурджээ. Баримт бичиг Пхеньяны эрх баригчдын эсрэг үйлчилж буй хориг арга хэмжээг чангатгаж, тухайлбал банкны гүйлгээ хийхгүй, түүнчлэн БНАСАУ руу их хэмжээний бэлэн мөнгө тээвэрлэхгүй байх, санхүүгийн хамтарсан компани байгуулах, Умард Солонгосын банкны төлөөлөгчийн газар нээхгүй байхыг НҮБ-ын гишүүн орнуудад үүрэг болгож байгаа юм. Хориг арга хэмжээг чангатгасан нь НҮБ-ын Аюулгүйн Зөвлөлийн гишүүд “БНАСАУ-ын сүрдүүлэгт нухацтай хандаж  байгааг” Цагаан ордны төлөөлөгч хэлсэн байна. С.Золбоо