Манай улсын хэмжээнд энэ оны эхний хоёр сард 4295 гэмт хэрэг бүртгэгдсэн талаар Үндэсний статистикийн газраас мэдээллээ. Энэ нь өмнөх оны мөн үеийнхээс 321 хэргээр буюу 8.1 хувиар өссөн үзүүлэлт юм. Нийт гэмт хэргийн тоо нэмэгдэхэд хүний амь бие эрүүл мэндийн эсрэг гэмт хэрэг (202), өмчлөх эрхийн эсрэг (151) зэрэг гэмт хэрэг өссөн нь голлон нөлөөлжээ. Гэмт хэргийн улмаас 1285 хүн гэмтэж, 326 хүн нас барсан нь өмнөх оны мөн үеийнхээс гэмтсэн хүний тоо 50 буюу дөрвөн хувь, нас барсан хүний тоо 73 буюу 28.9 хувиар нэмэгдсэн байна. Д.Цэцэг