Засгийн газрын тэргүүн Н.Алтанхуяг өнөөдөр Гадаад харилцааны яамны Зөвлөлдөх танхимд  уулзалт зохион байгуулж, сэтгүүлчдийн асуултад дэлгэрэнгүй хариуллаа. Шинэчлэлийн Засгийн газар байгуулагдсанаас хойш 200 хоног өнгөрч байгаа аж.

Тиймээс өнгөрсөн хугацаанд  Засгийн газар хийхээр төлөвлөсөн, оролдсон олон ажлыг хийж гүйцэтгэхээр ажилласнаа Ерөнхий сайд сэтгүүлчдэд дуулгав.

Энэ үеэр хэвлэл мэдээллийнхэн  Монгол Улсын эдийн засгийн өсөлт буурч байгаа, таван толгойн асуудал, Чингис бонд, шатахууны үнийн өсөлт, орон сууцны зээл зэрэг цаг үеийн олон асуултад Ерөнхий сайдаас  хариулт авлаа. Уулзалтын тухай  дэлгэрэнгүйг мэдээллийг удахгүй хүргэнэ.

Н.Бүжин

Гэрэл зургийг Б.Мөнх-Эрдэнэ