Улаанбаатар хотод зам барилгын ажил явагдаж байгаатай холбогдуулан гудамж, замын дагуух гэрэлтүүлгийн болон тролейбусны шон дээгүүр татсан холбоо, цахилгааны шугамуудыг буулган шилжүүлж байгаа аж. Мөн эзэмшигч нь тодроогүй шугам, кабелиудыг энэ сарын 20-ноос таслан, авто замын ажил хийгдэх болсныг анхаарууллаа. Тиймээс эдгээр шугамуудыг эзэмшигч байгууллагууд Нийслэлийн Авто замын газрын Газар чөлөөлөлт, инженерийн байгууламжийн хэлтэст яаралтай хандахыг шаардлагатай гэнэ. Дэлгэрэнгүй мэдээллийг Нийслэлийн Авто замын газрын 11-323662 дугаараас тодруулах боломжтой юм байна. П.Наран