2007 онд Баянзүрх дүүр­гийн Цагдаагийн хэлтсийн хүний нөө­цийн албанд О.Пүрэв­сүрэн эмэгтэй ажилд орсон байна. Тэрээр 31 нас­тай, дэд ахлагч цолтой бай­сан бөгөөд иргэдийг гадаа­дад гаргана гэх мэт залилан­гийн гэмт хэрэгт хол­бог­дон ажлаасаа халагджээ. Улсын прокурорын дэргэдэх мөр­дөн байцаах алба түү­нийг зали­лан,  хулгайн хэрэгт давхар шалгаж байсан байна. Тэрээр Улсын прокуро­рын мөр­дөн байцаах албанд шалгагдаж байх хугацаандаа  О.Саруул гэдэг хүний бичиг баримтыг ашиглан удаа да­раа гадаад улс руу зорчжээ. 2008-2009 оны хооронд бусдын бичиг баримтаар нийт гурван удаа гадаадад зорчсон аж. Үүнээс үүдэн түүнийг ТЕГ-ын Мөрдөн байцаах алба шалгаж эхлээд бай­сан гэнэ. Улсын Ерөнхий проку­рорын алба хил нэвт­рэхийг хориг­лосон тогтоолоо Хил хамгаалах  байгууллагад хүргүүлж амжаагүй байсан учраас сэжигтэн эмэгтэй хил гарч амжсан байна.