Биокомбинат улсын үйлдвэрийн газарт мэргэжлийн байгууллагаас дотоод аудитын шалгалт хийжээ.  Шалгалтаар тус үйлдвэр хуурамчаар нэг тэрбум 600 сая төгрөгийн бүтээгдэхүүн үйлдвэрлэсэн, технологийн заавар, улсын стандартыг ноцтой зөрчсөн мөн малын А зэрэглэлийн халдварт өвчний эсрэг шүлхийн вакциныг гадаадаас нийлүүлэх тендерийг зохион байгуулахдаа хууль бусаар мөнгө завшсан зэрэг зөрчил илэрсэн байна.  Тус газар мал амьтны халдварт өвчнөөс сэргийлэх болон оношлох, эмчлэх зориулалт бүхий 60 гаруй төрлийн био бэлдмэл үйлдвэрлэдэг. Гэтэл эдгээр эм бэлдмэлийн зарим нь чанарын шаардлага хангаагүй, хуурамч байсан нь энэ үеэр илэрчээ.