Төв аймгийн Батсүмбэр суманд үйл ажиллагаа явуулдаг “Цагаан далай” ШТС-ын эздэд халдаж, эхнэрийнх нь амийг бүрэлгэн 2-3 сая төгрөг дээрэмдсэн хэрэг энэ сарын 21- нд гарсан. Тус аймгийн Цагдаагийн газрын албаныхан уг хэрэгт сэжиглэн дөрвөн хүнийг саатуулсан байгаа аж. Мөрдөн байцаалтын ажиллагаа үргэлжилж, энэ хүмүүс буруутай эсэхийг тогтоохоор ажиллаж байгаа гэнэ. Гэмт этгээдүүд ШТС-д халдаж, эмэгтэй Д-г буудаж хөнөөн 2-3 сая төгрөг аваад гарахдаа сандарч, цөөнгүй төгрөг үлдээсэн аж. Талийгаач эмэгтэйн нөхөр Л хутгалуулж гэмтсэн бөгөөд тэрбээр цагдаагийнханд “Дээрэмчид хоорондоо баруун аймгийнхны аялгаар ярьж байсан” гэж мэдүүлсэн аж.