15 настай охины амийг хөнөөсөн Ө.Хэрлэнчимэг нарын  хэрэг шийдэгдэхгүй хоёр жилийн нүүр үзэж байгаа. Талийгаач охины аав Ц.Гончиг хэрэг шүүх рүү шилжих болохоор асуудал үүсчихдэг гэж хэлдэг.

Тэрчлэн энэ  хэргийг Нийслэлийн Прокурорын газар өнгөрөгч оны арванхоёрдугаар сарын 17-ны  дотор хянаж дуусаад  шүүхэд шилжүүлэх ёстой  байсан ч, хугацаанд нь шийдээгүй. Харин энэ сарын 4-ний өдөр прокурорын яллах дүгнэлт үйлдэн  Сүхбаатар дүүргийн шүүхэд шилжүүлсэн бөгөөд 20-ны өдөр 9.30 цагаас шүүх хурал нь болох аж.  Шүүх хурлыг шүүгч  М.Алдар даргалах юм байна.