БНХАУ-руу ажилд жуулчлах нэрээр хууран мэхлэж нутаг нэгт эмэгтэйчүүдийгээ худалдсан хэрэгт  холбогдсон  Д.Сэлэнгэд холбогдох хавтаст хэргийг өнөөдөр Сүхбаатар дүүргийн шүүхэд хэлэлцэж,  түүнийг гэм буруутай гэж үзэн гурван жилийн хорих ял оноолоо. Гэхдээ шүүгдэгч Д.Сэлэнгэ бага насны хүүхэдтэй тул  ялыг нь хоёр жилийн дараа эдлүүлэх шийдвэрийг анхан шатны шүүх гаргасан байна.

Түүнийг Эрүүгийн хуулийн тусгай ангийн 124.2-т зааснаар буюу биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлээр үйлчилсэн гэх үндэслэлээр  яллажээ. Хуралд даргалагч шүүгчээр Ш.Төгсгэрэл, улсын яллагчаар С.Хишигжаргал нар оролцсон байна.

Н.Бүжин