БНХАУ-ын Эрээн хот руу эмэгтэйчүүдийг хууран мэхлэж аваачин биеийг нь үнэлүүлсэн хэрэгт   татагдсан  эгч дүүс болох Ш.Батцэцэг, Ш.Отгонцэцэг, Ш.Туул нарын гэм бурууг  яг одоо  Сүхбаатар дүүргийн шүүхийн эрүүгийн танхим хэлэлцэж байна. Тэднийг Эрүүгийн хуулийн тусгай ангийн 124.2-т зааснаар буюу биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлээр үйлчилсэн гэх үндэслэлээр буруутгаж байгаа юм. Хуралд улсын яллагчаар Б.Өнөрмаа, шүүгчээр С.Оюунчимэг, өмгөөлөгчөөр Н.Пүрэвбаатар нар оролцож байна.