УИХ-ын гишүүн,  Монголын үндэсний сагсан бөмбөгийн холбооны Ерөнхийлөгч С.Эрдэнэ өнөөдөр сэтгүүлчдэд мэдээлэл хийлээ. Тэрээр Тайвань Улсын Тайпей хотноо Азийн оюутны аварга шалгаруулах тэмцээнд Монгол Улсын баг тамирчид амжилттай оролцож  тавдугаар  байрт шалгарсан талаар мэдээлэл өгөөд Монголын сагсан бөмбөгийн баг тамирчдын ур чадвар, амжилт өндөр түвшинд хүрч байгааг онцлон тэмдэглэв.

vc

Хурлын төгсгөлд УИХ-ын гишүүн  С.Эрдэнэ сэтгүүлчдийн сонирхсон асуултад хариулт өглөө.

bf

-Сагсан бөмбөгийн холбоод яагаад нэгдэн хамтарч болдоггүй юм бэ? Хоорондын маргаан их гарах юм.

-Улс төрийн зорилгоор бусниулаад байгаа мэтээр намайг элдвээр хэлдэг. Би Монголын сагсан бөмбөгийн холбоог хүндэтгэж явдаг. Монголын сагсан бөмбөгийн холбоо олон жилийн түүхтэй. Манай аав ч энэ холбоог тэргүүлж байсан хүн.  Би 1992 онд Ахмадын сагсан бөмбөгийн улсын аварга шалгаруулах тэмцээнийг аавынхаа нэрэмжит болгон явуулаач, бид  дэмжигчээр ажиллая гэсэн санал тавьсан. Тухайн  үедээ зөвшөөрсөн боловч гурван жил дараалан манай гэр бүлийнхнийг хуурсан. Би энэ холбооныхонтой хэдэн жил уулзаж ярилцсаныхаа дараа холбооны үйл ажиллагаа унажээ гэдгийг мэдсэн. Спортын тэмцээн наадамд танил талаараа явдаг. Тиймээс би холбогдох залуустай ярьж байгаад өөр холбоо байгуулж, сагсан бөмбөг хөгжиж, амжилтад хүрдгийг харуулахыг зорьсон. 10-аад жил энэ холбоо хурлаа хийгээгүй юм билээ. Удирдлагууд нь хууль бус гэдгийг шүүхээр тогтоосон юм билээ. Би Сагсан бөмбөгийн холбооны тамирчдыг тэмцээнд явуулах эрхийг нь болиулаагүй. Олимпын хороонд тэмцээнд явуулах эрх нь нээлттэй байгаа. Харин өнөөдөр сагсан бөмбөгийн спорт  “арын хаалга”-гүй болсон. Хэн ур чадвартай нь  тэмцээнд  оролцоно гэв.

s

 Н.Энх

Гэрэл зургийг П.Наран