Нийслэлийн Баянгол, Баянзүрх, Сонгинохайрхан дүүргийн цагдаагийн хэлтэс, Халаасны хулгайн гэмт хэрэгтэй тэмцэх тасгаас “Сар шинэ” нэгдсэн арга хэмжээний хүрээнд, 2010 оны 11 дүгээр сарын 21-нд Сонгинохайрхан дүүргийн 2 дугаар хороонд орших Христийн сүмээс иж бүрэн цахилгаан хөгжим алдагдсан, 2011 оны нэгдүгээр сарын 11-нд Баянзүрх дүүргийн 11 дүгээр хорооны нутаг Туулын бургаснаас иргэн М-ийн 3 үхэр алдагдсан, 2010 оны 12 дугаар сарын 05-нд Баянзүрх дүүргийн 4 дүгэрэ хорооны иргэн Б-гийн 200,000 төгрөгийг булаасан зэрэг 7 гэмт хэргийг үйлдсэн этгээдүүдийг илрүүлсэн байна.

Харин Эрүүгийн цагдаагийн газар, НЦГ-ын Халаасны хулгайн гэмт хэрэгтэй тэмцэх тасаг, Сонгинохайрхан, Баянзүрх, Баянгол, Сүхбаатар, Чингэлтэй дүүргийн цагдаагийн хэлтэс, УМБГ-ын ажилтнууд энэ арга хэмжээний хүрээнд урьд өмнө цагдаагийн байгууллагад бүртгэгдэж байгаагүй 33 хэргийг илрүүлжээ. Үүнд, 2010 оны 11 дүгээр сард иргэн Д нь бусдад 4 сая төгрөг, 10 дугаар сарын 27-нд иргэн Б нь 2 сая төгрөгөө тус тус залилуулсан. Мөн 2010 оны 11 дүгээр сарын 20-нд Баянгол дүүргийн 20 дугаар хороонд орших Улаанбаатар БУК компаниас эд зүйл алдагдсан. 2010 оны 12 дугаар сарын 04-нд Баянгол дүүргийн 17 дугаар хорооны иргэн Б гар утас, 400,000 төгрөг алдсан, 2009 оны 12 дугаар сарын 10-нд Хэнтий аймгийн Баян-Овоо сумаас 20 үхэр алдагдсан зэрэг урьд өмнө цагдаагийн байгууллагад бүртгэгдэж байгаагүй 33 хэргийг илрүүлээд байна.

Түүнчлэн 2010 оны 7 дугаар сарын 09-нд Сүхбаатар дүүргийн 10 дугаар хороонд орших 21 дүгээр байрны гаднах зогсоолоос УБЯ 51 41 дугаартай Эксель маркын машин алдагдсан, 2010 оны 08 дугаар сарын 24-нд Сүхбаатар дүүргийн 4 дүгээр хорооны иргэн П үл таних хүнд эд зүйлээ, 2008 оны 4 дүгээр сард Сүхбаатар дүүргийн 10 дугаар хорооны иргэн Б үл таних хүнд 13 сая төгрөгөө залилуулсан. 2009 оны 06 дугаар сарын 30-нд Чингэлтэй дүүргийн 6 дугаар хорооны иргэн А-г байрных нь гадна үл таних хоёр хүн хутгалсан зэрэг түдгэлзүүлсэн байсан хэргүүдээс Сонгинохайрхан, Баянзүрх, Баянгол, Сүхбаатар, Чингэлтэй дүүргийн цагдаагийн хэлтсийн ажилтнууд 20 хэргийг нөхөн илрүүлсэн байна.

Н.Цэндээ