“Мөрөөдлийн театр”-ын жүжигчин Г.Эрхэмбаярыг хамт­лагаасаа найз бүсгүйтэй болсон гэх мэдээлэл нийтэд тархаад багагүй хугацаа өнгөрсөн.

Тэгвэл жүжигчин Эрхэмээгийн жинхэнэ эхнэр өчигдөр болсон кино нээлтийн үеэр манай сайтын дуранд өртөв.

Харин жүжигчин залуу маань "Made in Ulaanbaatar" киноны нээлтэд том охиноо хөтлөн гарч ирсэн юм. Тэднийх гурван хүүхэдтэй аж.

Дашрамд дуулгахад, жүжигчин Г.Эрхэмбаяр том биетэй болоод ч тэр үү, сүр жавхлантай харагд­даг. Гэвч амьдрал дээрээ тун ч эрх, хүүхэд шиг гэж дотны найзууд нь ярьдаг нь үнэн бололтой.

Учир юу вэ гэвэл, өчигдөр кино эхлэхийн өмнө "Мөрөөдлийн театр"-ын бэрүүд сэтгүүлч миний урд талын суудалд суув.

Энэ үеэр жүжигчин Батаагийн гэргий Булгаа "Хүүе ээ, Эрхэмээ түрүүн яагаад гадаа тайзан дээр сонин царайлаад, урвайгаад байсан бэ" хэмээн Эрхэмээгийн гэргийгээс асуув.

Харин нэрийг нь үл мэдэх Эрхэмээгийн гэргий "Манай хүн чинь хүүхэд шиг. Олон хүн өөрийг нь ширтээд байхаар хүүхэд шиг ичээд байдаг юм. Ичихээрээ урвайчихдаг ш дээ. Анзаардаггүй юм уу" хэмээн хариулаад инээлдэв.

Ямартаа ч, том биетэй ч хүүхэд шиг зантай жүжигчин маань хайраасаа урваагүй гэдгийг цаг хугацаа харууллаа.

Б.Дэжид