Насанд хүрээгүй охидыг хил дамнуулан худалдсан  гэм буруу нь анхан шатны шүүхээр тогтоогдож таван жилийн хорих ял сонссон  Ц.Нандинцэцэгт холбогдох давж заалдах шатны шүүх хурал өнөөдөр нийслэлийн Шүүхийн Эрүүгийн танхимд болно. Түүнийг Эрүүгийн хуулийн тусгай ангийн  124 дүгээр зүйлийн 124.2-т зааснаар биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан гэсэн үндэслэлээр хэрэг үүсгэн шалгаж ялласан юм. Тэрбээр анхан шатны шүүхийн шийдвэрийг эсэргүүцэн давж заалдсан байна.  Түүний гомдлыг өнөөдөр Нийслэлийн давж заалдах шатны шүүхэд хэлэлцэнэ. Хуралд илтгэгч шүүгчээр Х.Эрдэнэсувд, улсын яллагчаар Н.Уртнасан, өмгөөлөгчөөр Т.Урангэрэл нар оролцоно.