Энэ оны эхээр дуучин Крис Брауны хүүхдийг төрүүлсэн Ниа Ами гэх бүсгүй шүүхэд гомдол гаргаж, дуучнаас 3.5 сая ам.доллар нэхэмжилсэн билээ. Ниа Амигийн мэдэгдлийн дараа дуучин Браун хэвлэлийнхэнд охины аав биш гэдгээ хэлсэн юм.

Бүсгүй Нью Йоркийн нэгэн эмнэлэгт эцэг тогтоох шинжилгээ хийлгэж Ролити хэмээн  нэрлэсэн найман сартай охиноо Брауны хүүхэд болохыг батлажээ. Дуучин шинжилгээний хариуг хуурамч хэмээн мэдэгдэж Ниа Амиг шүүхэд өгсөн ч хэсэг хугацааны дараа гомдлоо эргүүлэн татсан. Удалгүй Ролити охиныг өөрийнхөө хүүхэд хэмээн мэдэгдэж, өөрөө өсгөхөөр болсноо фэнүүддээ дуулгасан юм.

Браун хэдхэн хоногийн өмнө охиныхоо нэг насны төрсөн өдрийг тэмдэглэж, Ролитиг өөрийнхөө овгоор овоглосон билээ. Тэрбээр мөн охины ээж Ниа Амид 15 мянган ам.долларыг нөхөн төлбөр өгч, байр, машин авч өгөхөө амласан тухай “www.dailymail.co.uk” мэдээллээ.

Браун твиттертээ “Би бууж өгөөгүй. Зүгээр л өөрчлөгдөхийг хүссэн юм. Охин бид хоёр сайхан амьдрах болно. Ами миний амьдралаас зайлаад өг” гэж жиргэжээ.

Б.Дэлгэрцэцэг