Ник Гордан амиа хорлохыг завджээ
Дуучин Уитни Хьюстоны охин Бобби Кристина өчигдөр 14.30 цагт Нью Йорк хотноо байрлах эмнэлэгт 22 насандаа нас баржээ. Тэрээр өнгөрсөн нэгдүгээр сарын 31-нд Жоржиа мужид байрлах гэрийнхээ угаалгын өрөөнөөс ухаангүй байдалтай олдож, зургаан сар орчим ухаангүй байсан билээ. “Охин ээжийгээ алдсны дараа сэтгэлээр унаж, архи болон мансууруулах бодисны нөлөөнд автаад байсан” хэмээн Уитнигийн хэвлэлийн төлөөлөгч асан мэдэгдсэн удаатай.
Кристина мөн ээжийгээ оршуулсанаас сарын дараа өргөмөл ах Ник Гордантой сүй тавьснаа мэдэгдсэн билээ. Бобби Браун охиноо ухаангүй болсны дараа Горданыг цагдаад өгч, охинтойгоо уулзахыг хоригложээ. Кристинатай салах ёс гүйцэтгэж чадаагүй Гордан өчигдөр Нью Йорк дахь гэртээ амиа хорлохыг завдсан тухай “TMZ”сайт мэдээлэв.
Гордан нойрны эм их хэмжээгээр уухыг оролдох үед бие хамгаалагч нь болиулж, түргэн тусламж дууджээ. “Хүүгийн биеийн байдал хэвийн байгаа” гэж Уитнигийн дүү Пат Хьюстон мэдээлсэн байна.
Б.Дэлгэрцэцэг
СЭТГЭГДЭЛ БИЧИХ