“Forbes” сэтгүүл өнгөрсөн оны долоодугаар сараас энэ оны долоодугаар сарын байдлаар хамгийн их ашиг олсон жүжигчнээр “Iron Man” цувралын од жүжигчин Роберт Даунийг нэрлэсэн тухай “www.dailymail.co.uk” мэдээллээ. Тэрбээр өнгөрсөн хугацаанд 80 сая ам.долларын ашиг олжээ.

Ийнхүү жүжигчин эр сүүлийн гурван жил тус жагсаалтыг тэргүүлж байна. Дауни ихэнх ашгаа “Avengers: Age of Ultron” киноноос олсон байна. Тус уран бүтээл нийт 1.39 тэрбум ам.долларын ашиг олоод байгаа юм.

Харин удаах байранд Хятадын нэрт жүжигчин Жеки Чан жагсчээ. Жеки 50 сая ам.долларын ашигтай ажилласан бол холливуудын инээдмийн жүжигчин Адам Сендлер 41 сая ам.долларын ашгаараа гуравт жагссан байна. Тэрбээр “American Sniper” болон “Guardians Of The Galaxy” киноны гол дүрийг бүтээсэн юм.

2013 онд энэхүү жагсаалтын 20 дугаар байрт жагсч байсан жүжигчин Вин Дизель энэ жил дөрөвдүгээр байрт жагсчээ. Дизель 40 саяын ашигтай ажиллажээ. Тэрбээр сүүлд “Fast and Furious 7” тоглосон юм.

Энэхүү жагсаалтад Энэтхэгийн нэрт жүжигчин Салман Хан багтсан байна. Салман “Top Ten”, “Hero in Mumbai” кинонд тоглож 39 сая ам.доллар олсон бол холливуудын жүжигчин Том Круз 37 сая долларын ашиг олжээ.

Б.Дэлгэрцэцэг