“The Beatles” хамтлагийн дуучин, хөгжимчин Жон Леннон 1980 оны арванхоёрдугаар сард Марк Чемпен гэгчийн гарт амиа алдсан билээ. Чемпенийг санаатай аллага үйлдсэн хэмээн буруутгаж, бүх насаар нь хорих ялаар шийтгэсэн юм. Тэрбээр  “Олонд танигдахын тулд дуучны аминд хүрсэн” хэмээн шүүхийн үеэр мэдэгдсэн билээ. 

Тэгвэл дуучны эхнэр Японы уран бүтээлч Иоко Оно өчигдөр “NBS” телевизэд ярилцлага өгөх үеэрээ “Өнөөдрийг хүртэл нөхрийнх нь аминд хүрсэн алуурчнаас айж, бие хамгаалагч хүртэл хөлсөлсөн” гэж ярьжээ. Тэрбээр “Би нөхрөө их санаж байна. Үхэл над дээр ирвэл дуртайяа энэ дэлхийг орхих болно. Леннонтой уулзахыг хүсч байна. Нөхрийн минь аминд хүрсэн Марк Чемпенийг бодохоор миний дургүйцэл төрдөг. Тэр залуугаас болж бид ганц бие болсон” гэж ярьсан тухай “www.dailymail.co.uk” мэдээллээ.  

Шоронд хоригдож буй Чемпен сард нэг удаа Оно руу захиа явуулж, уулзахыг хүсдэг байна. Энэ тухай Оно “Би үнэхээр айж байна. Захиа ирэх бүрт зүрх минь цохилохоо больдог. Тэр надаас зуу, мянга дахин удаа уучлалт гуйсан ч миний сэтгэл амрахгүй байна. Нэг бус удаа заналхийлж байсан учир би түүнээс үнэхээр айдаг. Хааяа тэр залууг бодож хар дардаг” гэсэн байна.

Б.Дэлгэрцэцэг