"Зууны мэдээ” сонины сэтгүүлч Д.Болормаад холбогдох хэргийн шүүх хурал өнөөдөр  Сүхбаатар дүүргийн шүүхэд болно.Тэрбээр бага насны охидыг садар самуунд уруу татсан  “Мон-Уран”-ы захирал Б.Наранхүүд эрүүгийн хэрэг үүсгэн шалгаж буй тухай мэдээллийг сониндоо нийтэлж байсан юм. Энэхүү нийтлэлд нэр нь дурдагдсан Б.Наранхүү өөрийнх нь нэр төрд халдсан гэсэн үндэслэлээр  сэтгүүлч Д.Болормааг Сүхбаатар дүүргийн шүүхэд гомдол гаргажээ. Уг гомдлыг өнгөрөгч Сүхбаатар дүүргийн шүүх 2011 оны наймдугаар сарын 23-нд хуралдаж, гомдлыг хэрэгсэхгүй болгож, сэтгүүлчийг цагаатгасан билээ.Гэтэл давж заалдах шатны шүүхээс анхан шатны шүүхийн шийдвэрийг хүчингүй болгож яллах магадлан бичиж Сүхбаатар дүүргийн шүүх рүү буцаасан байна.