Морин хуур наадам 29 дэх жилдээ зохион байгуулагдах гэж байна. Монголын хөгжмийн зохиолчдын холбооноос жил бүр уламжлал болгон зохион байгуулдаг оны шилдэг дуу шалгаруулах “Морин хуур-2015” наадам энэ сарын 16-28-ны өдрүүдэд болно. Уралдаанд оролцох уран бүтээлчдийг энэ сарын 15-ныг хүртэл Монголын хөгжмийн зохиолчдын холбооны байранд бүртгэх аж.

"Морин хуур-2014" наадмын Гран При шагналыг МУГЖ Н.Чулуунхүүгийн ая, яруу найрагч Ай.Төмөр-Очирын шүлэг “Ижий гөрөөс” дуу хүртсэн юм.