Дэлхий дахинд “13 настай бүргэдчин охин” хэмээн алдаршсан Н.Айшолпан охин энэ сарын 18-нд аав, ээжийн хамт АНУ-ыг зорьсон. Түүний амьдралын талаар Англи гаралтай Америк найруулагч Отто Бель  кино хийсэн бөгөөд кино хийсэн юм.

“Eagle Huntress” буюу “Бүргэдтэй анчин”  нэртэй баримтат кино нь энэ сарын 24-ний өдөр “Sundance” кино наадмын үеэр нээлтээ хийжээ. Уг кино наадам энэ сарын 31-нийг хүртэл үргэлжлэх аж.

87 минут үргэлжлэх эл бүтээлд Монголын баруун бүс, Алтайн нуруунд 2000 гаруй жил амьдарч буй Казах ард түмэн болон бүргэдээр ан хийдэг аавынхаа амьдралд тусалсаар ан хийж сурсан Н.Айшолпан охины тухай өгүүлэх аж. Мөн эмэгтэй хүн ан хийж чаддаг болохыг харуулахын тулд 70 эрэгтэй анчинтай өрсөлдөн, өөрийгөө хүлээн зөвшөөрүүлж буйг харуулсан юм байна.

Киноны дууг Австралийн дуучин Сиа дуулжээ.

Г.Тэгшсүрэн