Лос Анжелес хотноо өнгөрсөн сарын 29-нд 88 дахь удаагийн “Оскар”-ын шагнал гардуулах ёслол зохион байгуулагдсан билээ. Уг ёслолын үеэр хөтлөгч Крис Рок “За гараад ирцгээ” хэмээн гурван ази хүүхдийг тайзан дээр гаргаж ирсэн юм. Хөтлөгч хүүхдүүдийг заагаад “Эд хэлгүй. Юм ярьсан ч ойлгохгүй. Тиймээ эд нар дуулгавартай” гэж хэлээд “За бушуухан тайзны ар руу орцгоо” хэмээн зандарчээ.

Тэгвэл уг үйл явдлыг “Ази уран бүтээлчдийг илт доромжилсон явдал” хэмээн “Оскар”-ын шагналт, нэрт найруулагч Анг Ли мэдэгдэж, “Оскар”-ын зохион байгуулагчдад хандан захиа илгээжээ. Мөн Ази гаралтай холливуудын жүжигчин Жорж Трик “Чихэргүй хошин шог” гэсэн байна. Тэрбээр мөн твиттериээ “#OscarsSoWhite” гэх аянг санаачлан “Оскар” арьс өнгө, яс үндсээр ялгаварлан гадуурхлаа нэн даруй зогсоо” гэж жиргэжээ.

Захиа хүлээн авсан “Оскар” зохион байгуулагчид Ази уран бүтээлчдийг гутаан доромжилсон гэгдээд буй тайзны үзүүлбэрийн төлөө ази гаралтай уран бүтээлчдээс уучлалт гуйсан байна.

Б.Дэлгэрцэцэг