Ц.Мөнхбаяр: 12 гишүүн мессежний хариу ирүүлсэн
УИХ-ын чуулганы ээлжит бус хуралдаан өнөөдөр эхлэх товтой байлаа. Гэвч гишүүдийн ирц бүрдээгүйгээс хуралдаан хойшлоод байна.
Өнөөдрийн хуралдаанаар цөмийн аюулгүй байдлын тухай олон улсын хэд хэдэн конвенцид нэгдэн орох асуудлыг хэлэлцэхээр төлөвлөсөн.
Хэлэлцэх асуудалтай холбогдуулан төрийн бус байгууллагынхан Төрийн ордны гадаа жагсаал хийж, шар нунтгийг оруулан барилгын оохор цацаж, эсэргүүцлээ илэрхийлэв.
"Босоо хөх Монгол" хөдөлгөөний тэргүүн н.Шинжээравдан :
Монголчууд унтаа ард түмэн. Үүнийг нь далимдуулж цөмийн хаягдлыг манайд булах гэж байна. Тийм биш бол цөмийн хаягдал гаргасан газар нь яагаад өөрийн орондоо шингээхгүй байгаа юм. Цөмийн хаягдлын хор нөлөөг зүйрлүүлэхээр нэг уут барилгын шар оохор газар асгалаа. Энэ нь хүмүүст айдас төрүүлж цагдаа дуудсан. Одоогийн байдлаар Ордны баруун талын замыг хааж, Шүүхийн Шинжилгээний Хүрээлэнгийнхэн асгасан охороос шинжилгээ авч байна.
Эвлэн Мандуулах хүч ТББ-ын Тэргүүн Ц.Мөнхбаяр:
Монгол Улсын цөмийн асуудалтай холбоотой хууль, тогтоомжуудыг засварлах, цөмийн аюулгүй байдлын хөтөлбөрийг засч янзлах угтвар нөхцлүүдийг бүрдүүлэх, Монголоо маш хялбархан худалдах, тийш нь түлхэх бүх зүйлээ хийчихжээ, энэ нөхдүүд. Бидний элгэн садан, дээр сууж байгаа эрхмүүд маань. Энэ байдлыг судалж тогтоосон учраас бид нэн даруй Их хурлын 76 гишүүнтэй уулзах хүсэлт тавьж, судалгааны материалуудаа гардуулж өглөө, Тамгын газарт нь. Дээр нь Ерөнхийлөгчтэй яаралтай уулзах хүсэлтээ мөн өгсөн. Ерөнхий сайд, Их хурлын даргатай яаралтай уулзах хүсэлтээ ч бас өгсөн. Мөн 76 гишүүнд бүгдэд нь мессэж бичлээ. Одоогоор 12 гишүүн хариу ирүүлээд байна. Зарим нь мессэжээр, зарим нь эргээд утсаар холбогдож байна. С.Одонтуяа гишүүн 11 цагаас уулзъя гэсэн ч, үнэмлэхний товчоо нь оруулсангүй.
“Гамшгийн эсрэг үндэсний төв”-ийн ерөнхий зохицуулагч Ж.Ганбаатар:
Германы Засгийн газрын хэлснээр энэрэнгүй нэртэй боловч эрдслийг бий болгосон конвенцууд байна. Тиймээс германууд энэ гэрээ, конвенцоос гарахаар шийдэж байна. Тэгвэл манай улс нэгдэх тухай ярьж байна. Монгол Улс энэ конвенцид нэгдэн орсноороо багийн тоглолтод орсон нөхөр хасагддаггүйтэй адил болно. Цаашид багууд түүнийг голж хасдаг байдал руу орохоос саналыг нь авахгүй. Энэ бол цөмийн клубуудын хийж байгаа ажиллагаа. Цөмийн клубууд гэдэг хэнийг хэлж байна гэвэл, дэлхийн цөмийн циклийг эргүүлэх гэж байгаа, ялангуяа эдийн засгийн алуурчид гэж ойлгож болно.
ТӨРИЙН ГУРВАН ӨНДӨРЛӨГТ ХҮРГЭСЭН ХҮСЭЛТ
Улсын Их Хурлын ээлжит бус чуулганыг 2016 оны гуравдугаар сарын 29-ний өдрөөс дөрөвдүгээр сарын 01-ний өдрүүдэд зарлан хуралдуулж, Монгол Улсын Үндэсний аюулгүй байдалтай шууд холбогдох олон улсын гэрээ, конвенцид нэгдэн орохоор болсонтой холбогдуулан ЭМХ-ээс тус чуулганаар хэлэлцэх асуудлаар ашигласан түлш, цацраг идэвхт хаягдлын менежменттэй холбогдох Монгол Улсын хууль тогтоомж эрхзүйн баримт бичгүүд, нэгдэн орохоор төлөвлөж буй ОУ-ын гэрээ конвецид дүн шинжилгээ судалгаа хийснээ хавсралтаар хүргүүлж байна. Уг судалгаагаар ашигласан түлш, цацраг идэвхт хаягдлыг импортлох, хадгалах, тээвэрлэх, булшлахтай холбоотой Монгол Улсын хууль эрхзүйн орчны өнөөгийн байдалд үнэлэлт дүгнэлт өгөх, олон улсын конвенцид нэгдэн орсноор Монгол Улсын хүлээх үүргийг тодорхойлох улмаар нэгдэн орох шаардлага бий эсэхийг тодорхойлохыг зорьсон ба дараах 3 чиглэлээр дүгнэлтийг гаргасан болно. Үүнд:
1. Монгол Улсад хүчин төгөлдөр мөрдөгдөж буй хууль тогтоомжинд өөрийн орны нутаг дээр ашигласан түлш, цацраг идэвхт хаягдлыг тээвэрлэх, хадгалах, булшлах үйл ажиллагааг явуулахад хууль зорчсон гэж үзэх үндэслэл, хориглосон зохицуулалт огт байхгүй байгаа нь үндэсний аюулгүй байдалд сөргөөр нөлөөлж, ихээхэн эрсдэлийг бий болгохоор байна.
2. Монгол Улс дээрх конвенцид нэгдэн орсноор “цөмийн циклийг хөгжүүлж, улс орныхоо хөгжлийг хангах” зорилт нь цөмийн өндөр технологийн үйл ажиллагаанд тавигдах олон улсын шалгуур шаардлага хангаж чадахгүй байх магадлалын улмаас биелэх боломжгүй болохын зэрэгцээ дэлхий дахинд одоо явагдаж байгаа цөмийн циклийн үйл ажиллагаанд түүхий эд бэлтгэн нийлүүлэгч, өөрийн улсаас гаралтай цөмийн материалын хаягдлыг эргүүлэн авч бүлшлагч гэсэн байр суурьтайгаар үүрэг хүлээж оролцох нь тодорхой харагдаж байна.
3. Монгол Улсын холбогдох хууль эрхзүйн зохицуулалт хангалтгүй, нэгдэн орохоор зэхэж буй конвенцийн зарим зүйл заалт үндэсний хууль тогтоомжтой зорчилдож байгаа, цөмийн циклийн үйл ажиллагаа хэрэгжүүлэх эдийн засаг,
Тиймээс эдгээр конвенциудад нэгдэхээс татгалзаж, Монгол Улсын үндэсний аюулгүй байлад нийцсэн хамгаалалт, эрсдэлийн механизмыг хуулиндаа бүрэн тусгаж бусад улсын ашигласан түлш болон цацраг идэвхт хаягдлыг өөрийн нутаг дэвсгэрт импортоор оруулах, тээвэрлэх, хадгалах, булахыг бүрмөсөн хориглох нь зүйтэй гэж үзэж байна.
Нөгөөтэйгүүр Монгол Улсын төрийн тэргүү, эрх баригдын ард түмэндээ амласан "өөрийн улс орныг олон улсын цөмийн хаягдлын хогийн цэг болгохгүй" гэсэн амлалтууд, ард түмний эрүүл, аюулгүй орчинд амьдрах хүсэл тэмүүллийг харгалзан үзвэл олон улсын цөмийн ашигласан түлш, цацраг идэвхт хаягдлыг бэлтгэх, урьдчилан боловсруулах, зохистой төлөвт оруулах, хадгалах, булшлах зэрэг менежментийн аюулгүй ажиллагааг ханган чиглэлээр дээрх конвенциудад нэгдэн орох шаардлагагүй юм.
Иймд Монгол Улсын Их Хурлын гишүүн Таныг төрөлх эх орныхоо байгаль орчны аюулгүй байдал, ард иргэдийнхээ амар тайван амьдрах эрүүл орчин, ирээдүй хойч үеийнхээ түвшин сайхны төлөө өргөсөн тангарагаа санан, зөв шийдвэрийг өөрийн мөргүй ухаандаа тунгаан гаргана хэмээн итгэж байна.
Хүндэтгэсэн
Эвлэн Мандуулах хүч Тэргүүн Ц.Мөнхбаяр, УЗ дарга Б.Түмэнжаргал
Гал Үндэстэн холбоо
Нүүдэлчин Түмний холбоо
Шинэ Аравт ТББ
Бие даагч иргэдийн холбоо
Босоо Хөх Монгол ТББ
Монгол Тулгатан ТББ
СЭТГЭГДЭЛ БИЧИХ