Өнгөрсөн онд нээлтээ хийсэн “Fifty Shades Darker” кинонд хамтран тоглосон жүжигчин Жейми Дормэн, Дакота Жонсон нарыг болзож байна хэмээн “www.dailymail.co.uk” мэдээллээ. Тэд өчигдөр Канадын Ванковер хотноо болзжээ.

Жүжигчид гарцаар гарч байхдаа гэрэл зурагчдын дуранд өртсөн байна. Тэд гар гараасаа хөтлөлцөн, ихэд дотно харагдаж байсан хэмээн сэтгүүлчид мэдээлжээ. Гэхдээ энэхүү мэдээллийг жүжигчдийн агентууд батлаагүй юм.

Жүжигчин залуу 2009 онд Амила гэх бүсгүйтэй гэрлэж, 2014 оны хоёрдугаар сард Дулси гэх охинтой болсон юм. Саяхан хос хоёр дахь хүүхдээ өлгийдөн авах гэж буйгаа зарласан билээ. Харин жүжигчин бүсгүй 2010 оноос болзсон загвар өмсөгч Маттав Хитээс энэ оны эхээр салсан юм.

“Fifty Shades Darker” кино нийт 247 сая ам.долларын ашиг олжээ.

Б.Дэлгэрцэцэг