“Найрсаг Улаанбаатар” хөтөлбөрийн хүрээнд зохиогдох драмын театрын шилдгийг шалгаруулдхаг “Гэгээн муза 2016” наадам энэ сарын 1-7-ны өдрүүдэд үргэлжилнэ. Тус наадамд УДЭТ-ын ерөнхий найруулагч Н.Наранбаатарын шинэчлэн найруулсан “Ромео Жульетта” жүжиг нэр дэвшиж буй.

Тодруулбал, У.Шекспирийн “Ромео Жульетта” жүжгээр

•  Шилдэг эрэгтэй дүр номинацид УДЭТ-ын залуу жүжигчин Б.Шинэбаяр,
•  Шилдэг эмэгтэй дүрээр жүжигчин О.Дөлгөөн,
• Шилдэг найруулагч номинацид Төрийн соёрхолт, УДЭТ-ын ерөнхий найруулагч Н.Наранбаатар,
• Шилдэг туслах дүрээр /Лоранци лам/ СТА Э.Болд-Эрдэнэ,
• МУГЖ Оюундарь /Өрлөг эх/ нар нэр дэвшиж буй юм.

“Ромео Жульетта” жүжгийг “Гэгээн муза” наадмын хүрээнд энэ сарын 6-нд 17.30 цагт, энэ сарын 15-нд 17.00 цагт тус тус дахин тоглохоор болжээ. Мөн “Урлагийнхан хорт хавдрын эсрэг хамтдаа” аяны хүрээнд энэ сарын 14-нд 18.00 цагт тоглох юм байна.

Г.Тэгшсүрэн