УИХ дахь МАН-ын бүлгийн хуралдаан өндөрлөлөө. Хуралдаанаар хэлэлцсэн асуудлын талаар тус намын бүлгийн дарга С.Бямбацогт нар мэдээлэл хийсэн юм. Тэрбээр:

-УИХ дахь МАН-ын бүлэг 30 гишүүнтэй болсон байгаа. Энэ долоо хоногт хоёр гишүүнээр нэмэгдсэн. Ч.Улаан, Д.Тэрбишдагва гишүүн хоёр бүлгийнхээ хуралд оролцсон. Бүлгийн хурлаар 4 асуудал хэлэлцсэн. Сонгуулийн тойрог, мандат, нутаг дэвсгэр, төвийг тогтоох асуудлыг хэлэлцлээ. Үндсэн хууль, Сонгуулийн хуульд сонгуулийн тойрог, мандатын тоог тогтоохдоо нутаг дэвсгэрийн хэмжээ, хүн амын тоо, газар нутгийн байршил гэсэн 3 хүчин зүйлийг харгалзан тогтоох ёстой. Энэ үүднээс бид жагсаалтын 28-ыг хуваарилахдаа хөдөөд 20, хотод 8 байх ёстой гэсэн зарчмыг баримталж байсан. Харамсалтай нь эрх баригч намынхан хатуу шаардлага тавьж байна. Гэхдээ тодорхой хэмжэээгээр буулт хийж болох ч хөдөөгийн 1 мандаттай аймгууд 2  мандаттай болох ёстой. Энэ зарчмын шаардлагыг баримтална. Энэ үүднээсээ хөдөөд 16, хотод 8 мандат хуваарилж болно гэлээ.

Мөн Татварын тухай,  прокурорын байгууллагатай холбоотой хууль тогтоолын төсөлд байр сууриа нэгтгэсэн байна.

Н.Энх