“Corporate” зочид буудалд гал гарсан талаар бид өмнө нь мэдээлсэн. Нийслэлийн шуурхай удирдлагын төвд тус зочид буудлын долоодугаар давхарт гал гарлаа гэх мэдээлэл ирсэн аж. Дуудлагын мөрөөр Гал унтраах 10 дугаар анги болон Хан-Уул дүүргийн Аврах, гал унтраах 14 дүгээр ангийн албан хаагчид шуурхай ажиллаж галыг бүрэн унтраагаад байна. 

Гал цахилгааны гэмтлээс үүдэн гарсан гэдгийг нийслэлийн онцгой байдлын албанаас мэдээлэв. Тус зочид буудлын суурийн давхарт байрлах цахилгаан хуваарилах самбарын утаснаас гал гарч, цахилгааны утсаа даган долоон давхар хүртэл шатсан байна. Одоогийн байдлаар галыг бүрэн унтраасан ч өрөөнүүд утаагаар дүүрсэн тул хайгуулийн ажиллагаа явуулж буй.

Галын үеэр хүн бэртэж, гэмтээгүй бөгөөд хоёр хүн угаартаж, эмнэлэгт хүргэгджээ. 

В.Бат