АН Засгийг хэлэлцэх боломжтой
УИХ дахь АН-ын бүлэг хуралдаж, зарим сайдыг үүрэг ажлаас нь чөлөөлөх Ерөнхий сайдын саналыг хэлэлцэн дэмжжээ. Ерөнхий сайд Ч.Сайханбилэг АН-ын бүлэгт МАХН-ын гишүүн болох Шадар сайд Ц.Оюунбаатар, БХБ-ын сайд З.Баянсэлэнгэ, БХ-ын сайд Ц.Цолмон нарыг үүрэгт ажлаас нь чөлөөлөх саналыг хүргүүлсэн. Үүнтэй холбогдуулан УИХ дахь АН-ын бүлгийн дарга Б.Гарамгайбаатараас зарим зүйлийг тодрууллаа.
- Ерөнхий сайдын саналыг хэлэлцээд ямар шийдвэр гаргасан бэ?
-Манай бүлэг хуралдаж, Ерөнхий сайдын гаргасан саналыг дэмжлээ. Одоо намын Гүйцэтгэх зөвлөл хуралдаж шийдвэрээ гаргана.
-Зарим гишүүд АН парламентад 39 суудал буюу олонхи биш учраас энэ асуудлыг хэлэлцэх боломжгүй гэж үзэж байна. Энэ талаар?
-Манай бүлгийн хувьд боломжтой. Одоогийн байдлаар ИЗНН, МҮАН –ын гишүүд АН-д орсон. Тийм учраас гишүүдийн тоо хангалттай.
Н.Энх
СЭТГЭГДЭЛ БИЧИХ