Холливуудын нэрт жүжигчин Жонни Депп болон загвар өмсөгч, жүжигчин Эмбер Херд нар салахаар болж шүүхэд өргөдлөө өгөөд байна. Хосын салж буй шалтгаан тодорхойгүй байгаа ч Эмбер хэдийнэ Жоннигийн Лос Анжелес дахь гэрээс нь нүүсэн талаар “www.dailymail.co.uk” мэдээллээ.

Эмбер өчигдөр Лос Анжелесийн шүүхэд салах өргөдлөө өгсөн болохыг ажилчид нь баталж байна. Тэгвэл тэрбээр салалтын буруутанг нөхрөө хэмээн мэдэгдэж, жүжигчнээс 400 сая ам.доллар нэхэмжилсэн аж.

Хос өнгөрсөн дөрөвдүгээр сараас хойш тусдаа амьдрах болжээ. Тэд өнгөрсөн оны хоёрдугаар сард Италид нууцаар хуримласан юм.

Б.Дэлгэрцэцэг