“Микроны босс” уран сайхны киноны хоёрдугаар анги “Приусны босс” инээдмийн уран сайхны кино энэ зун хийгдэх юм байна. Энэ тухай Соёлын Тэргүүний Ажилтан, “Мөрөөдлийн театр”-ын жүжигчин Д.Баттөмөр нэгэн ярилцлагадаа дурсжээ.

Микро автобусны жолооч, кондуртор нарын амьдралын тухай өгүүлсэн “Микроны босс” инээдмийн  уран сайхны кино 2013 онд хийгдэж, дэлгэцийн бүтээл болж байв. Уг киноны зохиолыг Д.Мөнхбат бичиж ерөнхий найруулагчаар Л.Лхагважаргал ажиллаж, “Мөрөөдлийн театр”-ын жүжигчин Д.Баттөмөр гол дүрд тоглож байсан. Тэгвэл тус киноны үргэлжлэл болох “Приусны босс” уран сайхны кино энэ зун хийгдэх нь ээ. Тус кинонд реппер Gee гол дүрд тоглох бөгөөд киноны зохиолыг гаргаж байгаа аж.

Энэ тухай жүжигчин Д.Баттөмөр “Монголд хаашаа л харна “Приус” машин сүлжилдэж байна. Энэ машинтай холбоотой асар олон онигоо  бий. Тиймээс энэ машины тухай инээдтэй, адал явдалтай кино хийнэ. “Микроны босс” дээр ажилласан бүрэлдэхүүн бүгдээрээ энэ кинонд ажиллана” хэмээжээ.

Г.Тэгшсүрэн