Загвар зохион бүтээгч Викториа Бекхэм тав дахь хүүхдээ төрүүлэхийг хүсч буйгаа хэлсэн талаар “www.dailymail.co.uk” мэдээллээ. Тэрбээр өчигдөр инстаграмдаа нөхөр Дэвид Бекхэмийн зургийг нийтлээд “Тав дахь хүүхдээ төрүүлэхийг хүсч байна” гэж бичжээ. Викториа мөн “Харпер минь байнга л дүү нэхэх боллоо. Харин хөвгүүд минь чимээгүй” гэсэн байна.

Бекхэм эхнэрийнхээ саналыг дэмжиж буйгаа инстаграмаараа дамжуулан мэдэгдээд “Хүүхэд бидний амьдралыг жаргалтай болгосон. Би аав болсондоо хязгааргүй их баярладаг” гэж бичжээ.

41 настай Викториа өмнө нь хүүхэд төрүүлэхгүй хэмээн мэдэгдэж байсан юм. Энэ талаар Викториа “Хүний бодол өдөрт хэдэн удаа өөрчлөгддөг гэж бодно” хэмээн тайлбарлажээ.

Б.Дэлгэрцэцэг