УИХ-ын сонгуульд Сэлэнгэ аймгаас хүч үзэх гээд ялагдал хүлээсэн “Шим” группийн Ерөнхийлөгч Л.Цандэлэг тун ч ууртай байгаа сурагтай. Тэрбээр, анхан шатны намын хорооноос дэмжлэг авч, тун ч додигор намынхаа ҮЗХ-ны хурлаар орсон ч намын гишүүдээсээ дэмжлэг авч чадалгүй унаж орхижээ.

Үүндээ хорссон тэрбээр өчигдрөөс эхлэн намынхаа дарга З.Энхболдод “нохой зээх” гэх нэр өгч орхиод доромжилсон пост бичиж эхэлжээ.

Ийм ҮЗХ-ны хуралдаан үзсэнгүй. Нэр дэвшигч нэг бүрийг хэлэлцэх учиртай ч нохой зээх маань ялын тогтоол уншиж байгаа аятай тогтоол уншаад гараад зугтчихсан хэмээн жиргэжээ. Буруу буруу бусдын л буруу хэмээн тэнэглэхээсээ өмнө энэ эрхэм өөртөө нэг ч удаа гэсэн дүгнэлт хийсэн болов уу гэж эрхгүй асуумаар санагдсаныг нуух юун. Л.Цандэлэг өнгөрсөн хоёр жилийн хугацаанд ХХАА-н сайд Р.Бурмааг хэлэх хэлэхгүй үгээр доромжилсон.

Р.Бурмаа сайд цөөн хэдэн олигархи компани чанаргүй буудай улсад шахаж, их хэмжээний мөнгөн урамшуулал авдаг асуудлыг илчилсэнийх нь төлөө эмэгтэй хүнийг хэлэх хэлэхгүй үгээр доромжилж байсныг ард түмэн мартаагүй. Намын нөхөр, журмын андаа ингэж доромжилж байсан хүнд намаасаа итгэл авч сонгогдож чадах нь эргэлзээтэй байлаа.

Тиймдээ ч нам түүнд итгэл үзүүлээгүй хэрэг. Өөрийн жижиг бизнесийн төлөө өөр бусдыг доромжилж, гутааж байгаа түүнд намын гишүүд яагаад итгэл үзүүлсэнгүй вэ гэдгийг бусдаас эрэхийн оронд өөрөөсөө хайгаач гэж зөвлөе. Улс төр, бизнес хоёр тусдаа ойлголт. Тиймдээ ч зохиолын дуучин бүсгүйгээс дор үнэлэмжтэй байгаадаа дүгнэлт хийнэ гэж найдъя.