Монголын Цагдаагийн байгууллага үүсэж хөгжсөний түүхт 95 жилийн ой энэ онд тохиож байна. Ойн хүрээнд “Төрийн цагдаа” дууг МУГЖ Г.Ариунбаатар, МУГЖ Т.Баясгалан нар шинэчлэн дуулжээ.

Гавьяат жүжигчин Г.Ариунбаатар өнгөрсөн оны арванхоёрдугаар сард “Монгол сонгодог” нэртэй бие даасан тоглолтоо Улаанбаатар хотноо тоглосон. Эх орондоо ирсэн энэ үеэрээ тэрбээр “Сөрж болдоггүй тавилан” уран сайхны киноны дууг СТА дуучин Г.Эрдэнэтунгалагтай хамтран дуулсан байдаг. Харин энэ удаад Эх үрсийн баярыг тохиолдуулан эх орондоо ирээд буй хугацаандаа МУГЖ Т.Баясгалантай хамтран уран бүтээл туурвижээ. 

Дашрамд дуулгахад тэрбээр өнгөрсөн сард “Оны шилдэг дуучин” болж мөнгөн мод шагналын эзэн болсон.

Г.Тэгшсүрэн