Манай сайтад УИХ-ын гишүүн Х.Болорчулууны тухай “Х.Болорчулууны нөмрөг дорх уурхай” гарчигтай материал нийтлэгдсэн билээ. Ингэхдээ уг материалын гарчиг болон эхлэл хэсэгт ёсзүйн алдаа гаргасан байна. Эхлэл хэсэгт “УИХ-ын гишүүн Х.Болорчулуун сонгуулийн гол өрсөлдөгч рүүгээ эхлэн чулуу шидлээ. Сонгууль эхлэх яагаа ч үгүй байхад ихэд айж сандарч байгааг нь үүнээс баримжаалж болохоор байна. Л.Гүндалайгийн хэлсэнчлэн "чацга царайлж" яваа энэ эрхмийн тараасан цуурхлыг эхлэн сануулъя” хэмээн бичсэн нь ёсзүйгүй үйлдэл боллоо. Тиймээс УИХ-ын гишүүн Х.Болорчулуунаас ёсзүйг баримтлаагүй материал нийтэлснийхээ төлөө хүлцэл өчиж байна.

Шууд.мн сайтын редакц