Баянзүрх дүүргийн 22 дугаар хорооны иргэн Г.Түвшинжаргал айлын таван хүүхдийг галаас аварчээ. Тэрбээр энэ сарын 17-ны өдөр тус хорооны 29-467  тоотод орших суух н.Өлзийжаргалын гэрт гал гарч байгааг анзаарч, гэрт орон галыг унтраасан байна.

Өлзийжаргалын гэрт таван хүүхэд байсан аж. Тэднийг харгалзах том хүн байгаагүй бөгөөд боорцог хайрах гэж байсан цахилгаан тогооноос нь гал гарч, гэрийн шал болон унь, дээвэр, туурга нь шатсан байна.

Эцэг, эхчүүд харгалзах хүнгүйгээр  бага насны хүүхдүүдийг орхиж явахгүй байхыг нийслэлийн Онцгой байдлын газраас анхааруулан сэрэмжлүүлж байна.