Өчигдөр Улаанбаатар хотын Замын цагдаагийн газрын ЖШУХ дээр нийт 282 дуудлага мэдээ мэдээлэл хүлээн авснаас зам тээврийн ослын 202 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 10 бүртгэгдэж 1 хүний амь нас хохирч 12 хүн хүнд хөнгөн гэмтжээ. Согтуугаар тээврийн хэрэгсэл жолоодсон 57 жолоочийг журамласан байна.  

Ослын тухайд:

1. Сүхбаатар дүүргийн нутаг Бэлхийн зам, Цолмонгийн 2-3 тоот хаалганы гарц замд T.Prius маркийн авто машины жолооч Б нь явган зорчигч 38 настай эмэгтэй Э-г мөргөж амь насыг нь хохироосон.

2. Баянгол дүүргийн нутаг Модны II Хүүхдийн сувилалын газрын урд замд Ноён пицца ХХК-ны мопедны жолооч Д нь T.Prius маркиийн Г жолоочтой авто машинтай мөргөлдөж жолооч 27 настай эрэгтэй Д гэмтсэн байна.