УИХ-ын чуулганы хуралдаанаар Ерөнхий сайдаар Ж.Эрдэнэбатыг томилох асуудлыг хэлэлцэж байна. Нэр дэвшигчид хандан гишүүд санал, захиасаа хэлсэн юм. Тухайлбал,  УИХ-ын гишүүн Ц.Нямдорж “Зөв үйл ажиллагааг чинь дэмжиж ажиллана. Буруу зүйлд чинь хуулийн дагуу хатуу хандана. Энэ Засгийн газар ард түмний дэмжлэг авсан Засгийн газар байгаасай. Ард түмэнд яг үнэнийг хэлэх хэрэгтэй. Тэгээд түүнээсээ гарах, илааршуулах арга хэмжээг авах хэрэгтэй. Энэ Засгийн газар хууль биелүүлдэг байгаасай гэж хүсч байна. Хууль биелүүлэхгүй байсан явдал өмнөх Засгийн газрын бүх хуйвалдааны эхлэл болсон. Хууль биелүүлээгүй хэнд ч хариуцлага тооцоорой. Тэгэхгүй бол энэ Засаг чангарахгүй. Засаг солигдох мөч дээр ил далд муу зүйл их явлаа. Сонгогчдын саналыг татах зорилгоор мөнгө тараасан, “Эрдэнэт”-ийн асуудал гээд аюултай зүйл их хийгдсэн. “Эрдэнэт”-ийн учрыг олж төр, ард түмэнд үнэнийг хэлээрэй. Энэ хуйвалдаан дарагдаад өнгөрвөл Монголд юу ч болж мэднэ. Тавантолгойн 300 мянган төгрөгийн эх үүсвэрийн асуудал хаанаас гарсан бэ? Ч.Сайханбилэгийн Засаг шиг хачин муухай башир арга хэрэглэдэг Засгийг үзээгүй юм байна. Монголбанк Засгийн газар хоёр свобт зээлийг цэгцлээрэй. Энэ Монголын асуудал. Эцэст нь төмөр замын луйвраа яах гэж байна” хэмээлээ.

Н.Энх