Монголын телевизүүдийн холбоо Казах залуучуудын холбоотой хамтран “Өлгийчүүддээ туслая” хандивын аяныг эхлүүлжээ.

Баян-Өлгий аймгийн Өлгийн суманд энэ сарын 10-нд хүчтэй аадар бороо үргэлжлэн орсны улмаас тус сумын 5 багийн айл өрхүүд үерт нэрвэгдсэн. Үерийн улмаас Өлгий сумын 160 гаруй айл үерт автаж, орон гэргүй болсон хүмүүсийн тоо 1250-д хүрсэн гэх мэдээ байна. Үүнтэй холбогдуулан  Монголын телевизүүдийн холбоо болон Казах залуучуудын холбооноос гамшигт нэрвэгдсэн иргэдэд  туслах зорилгоор "Өлгийчүүддээ туслая" хандивын аяныг өрнүүлж эхэлжээ.

Хандив өргөхийг хүсвэл Хаан банкны 5041070994  /Монголын Казах залуучуудын холбоо/  тоот дансанд гүйлгээ хийх боломжтой юм байна.

Г.Тэгшсүрэн