УИХ-ын байнгын хороод хуралдлаа. Хуралдаанаар тус тусын дарга нараа сонгосон юм. УИХ-ын дэд дарга Ц.Нямдорж хуралдаануудад оролцож, байнгын хороодын даргад нэр дэвшигчийг танилцууллаа.  УИХ-ын 8 байнгын хорооны хуралдаанаар даргад нэр дэвшигчдийг сонгохыг дэмжив. Үүнд:

• Төрийн байгуулалтын байнгын хорооны даргаар Н.Энхболд,
•  Аюулгүй байдал, гадаад бодлогын байнгын хорооны даргаар Ж.Энхбаяр,
• Нийгмийн бодлого, боловсрол, соёл, шинжлэх ухааны байнгын хорооны даргаар Л.Энх-Амгалан,
•  Төсвийн байнгын хорооны даргаар Ч.Хүрэлбаатар,
•  Эдийн засгийн байнгын хорооны даргаар Д.Тэрбишдагва,
• Хуульзүйн байнгын хорооны даргаар Ш.Раднаасэд,
• Байгаль орчин, хүнс, хөдөө аж ахуйн байнгын хорооны даргаар Ц.Гарамжав,
• Өргөдлийн байнгын хорооны даргаар Д.Сарангэрэл нарыг тус тус сонгохыг дэмжив.

Байнгын хороодын дарга нарыг УИХ-ын чуулганы хуралдаанд танилцуулан батална.

Н.Энх