Засгийн газрын анхдугаар ээлжит  хуралдаан өндөрлөв.  Хуралдаанаар хэлэлцсэн асуудлын талаар ЗГХЭГ-ын дарга Ж.Мөнхбат мэдээлэл хийлээ. Тэрбээр мэдээлэлдээ:

-Засгийн газрын  анхдугаар ээлжит боллоо. Хуралдаанаар үндсэн 7 асуудлыг авч хэлэлцсэн. Онцгой комиссын бүрэлдэхүүнд өөрчлөлт оруулж, Баян-Өлгий аймагт үүссэн гамшгийн нөхцөл байдлын талаар мэдээлэл сонсож, 328 сая төгрөгийг Засгийн газрын нөөцөөс гаргахаар шийдвэрлэлээ.  2016 оны долдугаар сарын 10-ны өдөр байгалийн гамшигт нэрвэгдэн орон гэргүй болсон иргэдэд улсын нөөцөөс 70 иж бүрэн гэр, гамшигт нэрвэгдсэн 700 иргэн хоол хүнсээр хангах, туслах ажил үргэлжилсэн.  Нөхцөл байдал одоогоор нааштай болсон. Харин газар дээр авч хэрэгжүүлэх ажил байгаа юм байна. Үүнийг Засгийн газрын хуралдаанаас гаргасан нөөц хөрөнгөөр зохицуулна.

Мөн 13 яам батлагдсантай холбогдуулан орон тооны нөөц батлах асуудлыг хэлэлцлээ. Өмнө нь шийдлийн Засгийн газар 15 яам 1490 хүнтэй ажиллаж байсан бол өнөөдрийн Засгийн газар 13 яам 1381 орон тоотой ажиллахаар болж, 109 орон тооны хэмнэлттэй байхаар шийдвэрлэлээ.

Шинээр агентлагийн орон тооны хэмжээ хязгаарыг баталсан.  Хуваарь шинэчлэх батлах тухай тогтоол гаргалаа.

Түүнчлэн  БНКУ-ын Бишкек хотод суугаа консул н.Энх-Амгалан өөр ажилд шилжсэнтэй холбогдуулан үүрэгт ажлаас нь чөлөөлөх асуудлыг шийдвэрлэлээ. Консул н.Энх-Амгалан Шадар сайдын ажлын албаны даргаар ажиллана.

Өвөлжилтийн бэлтгэл ажлын талаар мэдээлэл сонслоо. Бүх салбараас сонссон. Мөн мал өвөлжих, хаваржихтай холбоотой, эрчим хүчний, боловсролын , эрүүл мэндийн гээд бусад яамдын Төрийн нарийн бичгийн, газрын дарга нар Ерөнхий сайдаас үүрэг даалгавар авсан. Наадмын дараа намар гэдэг. Тийм учраас ирэх хавар, өвлийг өнөтэй давах асуудал яригдлаа.

Ерөнхий сайдаас салбарын сайд нарт үүрэг даалгавар өгсөн. Засгийн газрын үйл ажиллагааны мөрийн хөтөлбөрийг боловсруулах, ахмадын тэтгэврийн зээлийн хүүг бууруулах зэрэг асуудлыг яаралтай шийдвэрлэх үүрэг даалгавар өглөө. Ахмадуудын тэтгэврийн зээлийг бууруулах асуудал олон жил яригдсан. Энэ Засгийн газрын үед ажил хэрэг болно.

Орлогын албан татварыг цэгцлэх асуудалд Ерөнхий сайд үүрэг даалгавар өглөө. Мөн шинэ Эрүүгийн хуулийн хэрэгжилтийн хугацааг эргэн харах, хуульд байгаа зарим зүйлийг цэгцлэх талаар Хуульзүйн сайдад үүрэг өглөө.

“Орлоготой оюутан” хөтөлбөрийг хэрэгжүүлэх асуудлаар хэлэлцлээ. Малчны тэтгэврийн насыг 5 жилээр наашлуулж, ажил хэрэг болгох  талаар Ерөнхий сайд  үүрэг  өгсөн. 

Малын гаралтай түүхий эдийн экспортын татварын асуудлыг мөн хэлэлцлээ.  “Эрдэнэт” үйлдвэрийн 49 хувийн хувьцаатай холбоотой ажлын хэсэг байгуулаад энэ долоо хоногоос ажилдаа орж байна.

Эцэст нь хичээлийн шинэ жил эхэлж байгаатай холбогдуулан аймгийн төвүүдэд хүүхдийн цэцэрлэгийн асуудал хүндрэл учруулдаг.  Тиймээс цаг үеийн асуудлыг яаралтай шийдвэрлэх үүрэг даалгавар өгөгдлөө хэмээн мэдээллээ.

Н.Энх