Гучин минутын аадар бороо Улаанбаатарыг үерт автуулав. Өчигдрийн 19:55-20:30 цаг хүртэл орсон түр зуурын хүчтэй аадар борооны улмаас хотын зүүн хэсэг буюу Баянзүрх дүүрэг бүхэлдээ үерт автав. Мөн  Сүхбаатар, Чингэлтэй, Баянгол дүүргийн хойд хэсэг их хэмжээний усанд автаж, мэргэжлийн байгууллагуудыг сандралд оруулав.

Онцгой байдлын албаны 101, 105 дугаарын утсанд иргэдээс үер усны холбогдолтой  65 удаагийн дуудлага ирсэн байна. Нийт дуудлагын 73.3 хувь нь иргэдийн хашаа гэрт ус орсон, 24.9 хувь нь орц болон газар доорхи зоорийн давхар усанд автсан, 1.8 хувь нь нийтийн эзэмшлийн гудамж талбай болон автозам усанд автсан гэх мэдээлэл эзэлжээ.

Үерийн дараах цэвэрлэгээ, ариутгалын ажил үргэлжилж байна.