2016 – 2017 оны хичээлийн жилд  оюутнууд нийтийн тээврээр хөнгөлөлттэй үйлчлүүлэх цахим төлбөрийн картын захиалга болон сунгалтын ажил энэ сарын 2-нд эхэлсэн. Шинээр элсэн суралцах оюутан, сурагчдын смарт картны захиалга өчигдөр дуусах байсан ч Нийтийн тээврийн газраас энэ сарын 8-нийг хүртэл сунгажээ.

Их, дээд сургуулиудын оюутны холбоо, оюутны зөвлөлөөс захиалгын хугацааг сунгах хүсэлт гаргасны дагуу хугацааг хоёр хоногоор сунгасан байна.

Оюутнууд болон шинээр карт захиалахдаа 3600 төгрөгийн хураамж төлнө. Харин сунгуулахдаа 1000 төгрөгийн хураамж төлөх юм.

Г.Тэгшсүрэн