БСШУС-ын сайд Ж.Батсуурь ЕБС-ийн сурагч, багш нарыг хичээлийн цагаар гар утас хэрэглэхгүй байлгах зорилгоор тушаал гаргажээ.Сайдын тушаалд улсын хэмжээнд үйл ажиллагаа явуулж байгаа ерөнхий боловсролын бүх сургуулийн сурагч, багш нар хичээлийн цагаар гар утас хэрэглэхгүй байх талаар тусгасан байна.

Боловсролын салбарт дээрхи зохицуулалтыг хийснээр хичээлийн цаг илүү үр бүтээлтэй болж, сурагчдын эрүүл мэндэд сайнаар нөлөөлөх давуу талтай хэмээн үзэж байгаа аж. Одоогоор улсын хэмжээний бүх ЕБС-иудад тушаал, зөвлөмж хүргүүлсэн байна. Энэхүү тушаалын хэрэгжилтийг ЕБС-иуд өөрсдөө хариуцна.

Тушаал ирэх сарын 1-нээс хэрэгжиж эхлэх юм.