УИХ-ын намрын чуулганыг өнөөдөр нээсний дараагаар УИХ дахь АН, МАН-ын бүлгүүд хуралдах хуваарьтай байна. Мөн Хуульзүйн байнгын хорооны ажлын дэд хэсгийн хуралдаан Гэр бүлийн хүчирхийлэлтэй тэмцэх тухай хуулийн төслийг хэлэлцүүлэгт бэлтгэхээр хуралдах аж.

Энэ долоо хоногт  УИХ-ын чуулган, байнгын хорооны хуралдаанаар  Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай төсөл, Үндсэн хуулийн цэцийн 2016 оны 09 дүгээр дүгнэлт,  Уур амьсгалын өөрчлөлтийн тухай НҮБ-ын суурь конвенцийн Киотогийн протоколын Дохагийн нэмэлт, өөрчлөлтийн тухай,  Олон улсын тогтвортой аялал жуулчлал, ядуурлыг бууруулах байгууллагыг үүсгэн байгуулах тухай хэлэлцээрийн тухай зэрэг хуулийн төслийг тус тус хэлэлцэхээр төлөвлөжээ.

Н.Энх